Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Heerreden siebriedahkejearsoesvoete

Abpe soejkesjimmie edtja siebriedahkejearsoesvoetem eadtjoestidh, mij gaskem jeatjah soejkesje- jïh bïgkemelaakesne tjåådtje. Goh voenges soejkesjefaamoe dle tjïelth dïedtem jïh reaktam utnieh nyöjhkedh arealh åtnose vaaltasuvvieh, mah maehtieh vaahrine årrodh. Naemhtie dovne sjïere bïgkemeråajvarimmide goh stuerebe soejkesjh.

Siebriedahkejearsoesvoete tjuara tjïelke veeljemh buektedh

Rïektesisnie dle daate sæjhta jiehtedh gåetiedajvh jïh institusjovnh eah tjoerh dajvide bïejesovvedh gusnie vaahra dulvie, vyjreme jallh jeatjah heannadimmieh sjidtieh, mah maehtieh vaahrine årrodh jieliedasse jïh healsose. Byöroe aaj alternatijve faasseldimmiegeajnoeh årrodh jovkemestjaetseste jïh straejmeste jis åejviegeajnoeh tsoepkenieh. Gosse orre geajnoeh tseegkesuvvieh dle edtja gåetiedajvh, skuvlh jïh jeatjah institusjovnh bööremeslaakan vaarjedidh.

Tjïelten ROS-analyse nænnoestamme laaken tjïrrh

Vaahra- jïh prååsehkevoeteanalysh (daaroen ROS-analyser) åtnasuvvieh juktie goerehtalledh man stoerre nuepieh, jïh mah nuepieh gååvnesieh jis mij akt ovvaajteles heannede aktene dajvesne. Maahta vuesiehtimmien gaavhtan årrodh dulvie jallh straejmietsoepkene. Akte ållesth ROS-analyse edtja våaroemisnie årrodh tjïelten barkose siebriedahkejearsoesvoetine.

Sjyöhtehke svaalhtesh:

  • soejkesje- jïh bïgkemelaake
  • laake ruffien 25.b 2010 nr. 45 om kommunal beredskapsplikt, sivile beskyttelsestiltak og Sivilforsvaret (sivilbeskyttelsesloven) (tjïelten gaerviesvoetediedten bïjre, sivijle vaarjedimmieråajvarimmieh jïh Sivijlevaarjelimmie (sivijlevaarjelimmielaake))
  • mieriedimmie mïetsken 22.b. 2011 nr. 894: Forskrift om kommunal beredskapsplikt (Mieriedimmie tjïelten gaerviesvoetedïedten bïjre)
  • kgl.res. goevten 17.b. 2006: Atomberedskap – sentral og regional organisering (Atovmegaerviesvoete - staaten jïh regijovnale öörnedimmie)

Vis mer