Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Gåetiekreekh

Fylhkenålma dïedtem åtna gåetiekreekekonsesjovnelaaken åvteste, mij gaertjede man stoerre veahka snurkie- jïh ledtiebearkoste maam maahta darjodh fïerhtene laanteburrieeekesne. Båantah mah sijhtieh vielie darjodh, tjuerieh gåetiekreekekonsesjovnen bïjre syökedh. Öörnege edtja gorredidh dorjemasse juakasåvva gellide laanteburrieeekide.

 

Edtja ohtsemem gåetiekreekekonsesjovnen bïjre tjïeltese seedtedh. Tjïelte raereste jïh aamhtesem Fylhkenålmese seedtie, mij ohtsemem gïetede jïh dam nænnoste. Staaten laanteburriereereme lea klååkemesuerkie.

Fylhkenålma aaj dïedtem åtna maaksoeöörnegi åvteste byögkeles stillemi jïh restriksjovni mietie gåetiekreekedorjemassesne, gåetiekreekh juvredajvine jïh maaksoe gosse sïrvem gåatoemisnie teehpeme (neavroeteehpeme).

Tjïelth leah voestesinstanse gåetiekreekedåarjose. Dah edtjieh utnijidie bievnedh, ohtsemidie gïetedidh jïh giehtjedimmieh tjïrrehtidh gaertieninie. Fylhkenålma lea iktedæjja jïh raeriestæjja tjïeltide. Staaten laanteburriereereme dïedtem åtna åejviemaaksoej åvteste.

Beapmoevaaksjome dïedtem åtna kreekehealsoen jïh beapmoegïehtjedimmien åvteste. Staaten laanteburriereereme dïedtem åtna mielhkien veahkaöörnedimmien åvteste.

Vis mer