Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Jielemeevtiedimmie

Fylhkenålma edtja jielemeevtiedæmman jïh innovasjovnese sjïehteladtedh, jeatjah regijovnale jïh voenges aktöörigujmie ektine. Edtja regijovnale jïh voenges aevhkieh jïh nuepieh gorredidh jïh evtiedidh, guktie mijjieh dam ekonomeles våaromem gorredibie båetijen aajkan. Fylhkenålma edtja aaj viehkiehtidh aktem hijven ektiebarkoem sjugniedidh laanteburrien jïh jeatjah suerkiej gaskem.

Jïjnjh soejkesjh jïh råajvarimmieh edtjieh laanteburriem evtiedidh

Laavenjostoe fylhkensoejkesji bïjre, jielemesoejkesjh, Inn på tunet-råajvarimmmieh, fealadimmiesoejkesjh, evtiedimmie beapmoedorjemasseste jïh bioenergijeprogramme leah jarngesne daennie barkosne. Fylhkenålman lea dïedte evtiedidh jïh tjïrrehtidh laanteburrien regijovnale jielemestrategijem.

BU-vierhtieh edtjieh jielemeevtiedimmiem eadtjoestidh

Fylhkenålma vierhtieh voeneevtiedæmman reerie (daaroen BU-vierhtieh) juktie råajvarimmieh salkehtidh jïh sjïehteladtedh. Edtja vierhtide nåhtadidh juktie jielemeevtiedimmiem eadtjoestidh voenine jïh laanteburresne, mestie dïeneste sjædta. Fylhkenålman edtja aaj tsevtsiedæjjine årrodh Innovasjovne Nöörjen Voengesbeapmoeprogrammese (ekonomeles tsavshvierhtieh maahtoen, såalhtjebïgkemen jïh viermien sisnjeli).

Innovasjovne Nöörje dam bieliem BU-vierhtijste reerie, mij lea sïelti vööste. Fylhkentjïelte edtja BU-vierhtide reeredh dåårrehtæmman, mïrrestallemasse, minngieööhpehtæmman jïh maahtoelutnjemasse laanteburrie- jïh beapmoesuerkesne.

Vis mer