Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Psykiske healsoe

Åejvieladtjh sijhtieh faalenassem almetjidie psykiske vaejvemigujmie nænnoestehtedh. Tjïeltine dle vijriesåbpoe evtiedimmie jïh kvaliteete dennie psykiske healsoebarkosne  jarngesne, jïh dam ektesne vuejnieh  heerreden barkojne geeruvevoeten vööste jïh almetjehealsoebarkojne. Fylhkenålma raerieh jïh bïhkedimmiem vadta tjïeltide.

Tjabrehtamme psykiske healsoevaarjelimmie

Maahta tjabrehtamme psykiske healsoevaarjelimmiem ajve nåhtadidh gosse jïjtjevyljehke psykiske healsoevaarjelimmiem pryöveme bielelen daate gaagnine orreme, jallh vuajna ij leah naan måane dam pryövedh.

Striengkies krïevenassh bïejesuvvieh gosse edtja tjabrehtamme psykiske healsoevaarjelimmiem nåhtadidh. Skïemtjije tjuara aktem ietjmies aejvereskïemtjelassem utnedh jïh lissine båehtjierdimmievæhtan jallh vaahravæhtan nualan båetedh. Båehtjierdimmievæhta jeahta tjabrehtimmie lea daerpies olles skïemtjije edtja vïerrebe sjïdtedh, jallh olles bueriedimmienuepieh edtjh geahpanidh. Vaahravæhta sæjhta jiehtedh skïemtjije lea akte vaahra jïjtse jallh mubpiej hïegkese jallh healsose.

Tjabrehtamme båehtjierdimmie

Psykiske healsoevaarjelimmielaake nuepiem vadta skïemtjijh goerehtidh jïh båehtjierdidh bielelen luhpiehtimmie. Tjuara jïjtjevyljehkevoetem pryöveme, jïh tjuara tjïelke årrodh båehtjierdimmie sæjhta darjodh guktie skïemtjie buerebe jallh tjarres sjædta, jïh ij vïerrebe sjïdth. Båehtjierdimmie bielelen luhpiehtimmie maahta årrodh bådtjabåehtjierdimmie jallh soptsestimmieh, jïh dam maahta skïemtjijidie vedtedh tjabrehtamme psykiske healsoevaarjelimmien nuelesne, dovne abpe dygnen skïemtjegåetieviesehtimmesne  jallh bielelen skïemtjegåetesne årrodh abpe dygnen.

Åtnoe tjabrehtimmievierhtijste

Psykiske healsoevaarjelimmielaakesne golme såarhts tjabrehtimmievierhtieh, mejtie maahta institusjovnine nåhtadidh dejtie skïemtjijidie mah leah jïjtjevyljehke skïemtjegåetesne, jallh skïemtjijh mah leah tjabrehtimmien nuelesne. Daate lea mekanihkeles tjabrehtimmievierhtieh (beelhth jïh garhtsh), oktegimse årrodh jïh bådtjah mah leah gaagnine åenehks boelhken.

Klååkemeöörnegh

Edtja nænnoestimmiem laejhtedh tjabrehtamme psykiske healsoevaarjelimmien bïjre, åtnoe tjarbehtimmievierhtijste jïh reaktagaertjiedamme råajvarimmieh kontrollkommisjovnese seedtedh, mearan nænnoestimmie tjarbehtimmiebåehtjierdimmien bïjre seedtesåvva Fylhkenålmese.

Vis mer