Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Maadthskuvle jïh jåarhkeskuvle

Maadthlïerehtimmie lea maadthskuvle jïh jåarhkeskuvle. Lïerehtimmie maadthskuvledaltesisnie lea tjïelten dïedte, mearan fylhkentjïelte dïedtem åtna lïerehtimmien åvteste jåarhkedaltesisnie. Aaj jååhkesjamme privaate skuvlh maehtieh maadthlïerehtimmiem faalehtidh.

Fylhkenålman laavenjassh

Fylhkenålman lea dïedte ihke eksamene maadthskuvlesne jïh jåarhkeskuvlesne, nasjovnaale pryövenassh jïh obligatovreles elektrovneles goerehtallemepryövenassh dorjesuvvieh sïejhme laaki jïh bïhkedassi mietie.

Fylhkenålma fylhkentjïelten, tjïelten jïh privaate skuvleaajhteridie bïhkede ööhpehtimmielaaken jïh privaateskuvlelaaken mietie. Fylhkenålma edtja aaj vaaksjodh skuvleaajhterh skuvlem reerie sïejhme laaki jïh mieriedimmiej mietie.

Fylhkenålma klååkoeh gïetede aktegsnænnoestimmide nænnoestimmiej mietie ööhpehtimmielaakesne jïh privaateskuvlelaakesne, baalte mieriedimmiejgujmie. Jis sïjhth aktem aktegsnænnoestimmiem laejhtedh , edtjh dam voestegh seedtedh dan suarkan mij nænnoestimmiem dorjeme. Dastegh daate suerkie ij klååkoem mietieh, jallh ij aamhtesem hiejhth, edtja dam Fylhkenålmese seedtedh akten minngemosth gïetedæmman.

Vis mer