Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Ööhpehtimmie ålkoelaantesne

Nöörjen skuvlh ålkoelaantesne maehtieh syökedh jååhkesjimmien bïjre privaateskuvlelaaken mietie. Adresselæstoe jååhkesjamme maadthskuvlide jïh jåarhkeskuvlide lea Oslo jïh Akershusen Fylhkenålman nedtesæjrojne.  Jååhkesjamme skuvlh leah Europesne, Afrijhkesne, Asijesne jïh Åarjel-Amerijhkesne. Ööhpehtimmiedirektovraate vaaksjomefaamoem åtna, jïh beetnehdåarjoeh maaksa dejtie jååhkesjamme skuvlide.

Privaateskuvlelaaken mietie dle learohkh reaktam utnieh sjïereööhpehtimmiem jïh pedagogeles-psykologeles dïenesjem åadtjodh. Oslo jïh Akershusen Fylhkenålma daam dïenesjem reerie, jïh Ööhpehtimmiedirektovraate lea klååkemesuerkie. PP-dïenesje ålkoelaantesne lea dovne maadthskuvlen jïh jåarhkeskuvlen learoehkidie.

Maanah aarhskuvleaalterisnie eah laakeviedteldihkie reaktoem utnieh  pedagogeles-psykologeles dïenesjem åadtjodh.

Oslo jïh Akershusen Fylhkenålman nedtesæjrojne vielie bïevnesh PP-dïenesjen bïjre ålkoelaantesne gaavnh.

Stipende jïh dåarjoeöörnegh studentide ålkoelaantesne

Maahtah sjïere beetnehdåarjoem åadtjodh jåarhkeööhpehtæmman gellene lehkesne abpe veartenisnie. FIVAI (Vest-Agderen  Fylhkenålma, Internasjonalisering) jienebh öörnegh utnieh mejtie Vest-Agderen Fylhkenålma reerie.

Maahtah ööhpehtimmieh jïh dåarjoeöörnegh ohtsedh FIVAI'en tjïrrh saaht gusnie datne laantesne årroeh.

Vis mer