Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Turnusbálvalus

Turnusbálvalus lea doaktáriid ja fysioterapevttaid bákkolaš hárjehallanáigi dan maŋŋá, go sii leat geargan oahpuin, ja ovdal go sii ožžot loahpalaš autorisašuvnna.

Turnusbálvalusas barget jagi buohcceviesus ja dan maŋŋá jahkebeali dábálašdoavttirin. Turnusbálvalusas doaktáris leat seamma geatnegasvuođat ja vuoigatvuođat go autoriserejuvvon, norgga doaktáriin, muhto turnusdoaktárat eai sáhte čállit reseapttaid nu gohčoduvvon A-prepárahtaid várás (ovdamearkka dihte morfiinna várás).

Fylkkamánni ordne turnussajiid fylkka gielddadearvvašvuođabálvalussii ja hálddaša turnussajiid válljema. 

Fysioterapevttaid turnussajit

Guđege fylkka fylkkamánni dohkkeha fysioterapevttaid turnussajiid, mat leat buohcceviesuin ja gielddaid dearvvašvuođabálvalusas. Romssa, Hordalándda ja Akershusa fylkkamánniin lea váldoovddasvástádus háhkat guvloseaset (Davvi-Norgii, Vestlandii ja Østlandii) doarvái turnussajiid.

Turnusbáikái dahje turnusbáikkis nubbái fárren

Stáhta dearvvašvuođabargiid autorisašuvdnakantuvra (SDAK) hálddaša ja máksá mátke- ja fárrendoarjaga turnusbálvalusa oktavuođas. SDAK galgá ovddalgihtii dohkkehit ortnegii gullevaš turnusevttohasaid goluid. SDAK vástida gažaldagaid fárrengoluid birra.

Mátkegolut turnuskurssaid oktavuođas

Bálvalusfylkka Fylkkamánni buhtada mátkegoluid dan oktavuođas, go johtá joavkobagadallamii, doavtterfáktamedisiinna kursii ja Fylkkamánni seminárii almmolaš dearvvašvuođabarggu birra. 

Vis mer