Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Gielddaekonomiija

Fylkkamánni galgá rávvet ja bagadit ekonomiijahálddašeami hárrái, earret eará njuolggadusaid, boahtovuogádaga ja stáhtabušeahta hárrái.

Robek

Gielddat, mat golahit menddo ollu vealggás gielddalága gáibádusaid ektui, registrerejuvvojit “Evttolaš dohkkeheami ja geahču registarii” (Register om betinget godkjenning og kontroll, dárogillii Robek). Fylkkamánni dárkkista Robek-gielddaid bušeahta ja ekonomiijaplánaid, ja galgá dohkkehit buot mearrádusaid, mat gusket loanaide ja guhkes áiggi láigosoahpamušaide.

Gielddaid dáhkádusat

Gielddat sáhttet addit loatnadáhkádusaid. Go gielda dáhkida stuorát supmi go 500 000 kruvnno, de Fylkkamánni galgá dohkkehit mearrádusa.

Ruđat mat geavahuvvojit friija árvvoštallama vuođul

Gielddat sáhttet oažžut ruđaid, maid dat geavahit friija árvvoštallama vuođul. Ruđat gullet stáhta gielddasuorggi juolludemiide. Fylkkamánni dat juohká ruđaid fylkka gielddaide. Ruđat juhkkojuvvojit departemeantta njuolggadusaid vuođul.

Gielddaidgaskasaš fitnodagat

Fylkkamánni galgá dohkkehit mearrádusaid, mat gusket gielddaidgaskasaš fitnodagaid loanaid váldimii.

Vis mer