Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Gunaid gilvin ja priváhta hávdesadji

Jos háliidat iežat gunaid gilvojuvvot olgoáibmui, de sáhtát ohcat Fylkkamánnis dasa lobi. Dábálaččat lea lohpi gilvit gunaid meara ala dahje duoddarii. Don sáddet ohcamuša dan fylkka Fylkkamánnii, gos don háliidat gunaid gilvojuvvot. Ohcci ferte leat deavdán 15 jagi. 

Maiddái maŋisboahttit sáhttet oažžut lobi gilvit gunaid, jos duođaštuvvo ahte rohkki dan sávai. Váhnemat sáhttet oažžut lobi gilvit vuollái 18-jahkásaš mánnárohki gunaid. Maŋisboahttit eai sáhte gáibidit, ahte girkku ovddasteaddji searvá gunaid gilvimii.

Priváhta hávdesadji

Priváhta hávdesaji mieđihit dušše jos hávdesadjái lea erenoamáš almmolaš beroštupmi, ovdamearkka dihte jos hávdesadji biddjojuvvo dakkár ásahusa oktavuhtii, mii lea ásahuvvon rohki eallinbarggu vuođul dáidda-, dieđa- dahje eará suorggis.

Vis mer