Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Vuođđoskuvla ja joatkkaoahpahus

Vuođđoohppui gullá vuođđoskuvla ja joatkkaoahpahus. Gieldda ovddasvástádus lea lágidit vuođđoskuvladási oahpus, fylkkamánnis fas lea ovddasvástádus joatkkaoahpahusas. Maiddái dohkkehuvvon priváhta skuvllat sáhttet fállat vuođđooahpahusa.

Fylkkamánni doaimmat

Fylkkamánni ovddasvástádus lea fuolahit das, ahte vuođđoskuvlla ja joatkkaskuvlla eksámenat, nationála iskosat ja bákkolaš elektrovnnalaš kárteniskosat lágiduvvojit gustovaš lágaid ja njuolggadusaid vuođul.

Fylkkamánni bagada fylkkagielddaid, gielddaid ja priváhta skuvlaeaiggádiid oahpahuslága ja priváhtaskuvlalága vuođul. Fylkkamánni galgá maid gozihit ahte skuvlaeaiggádat barget gustovaš lágaid ja láhkaásahusaid vuođul.

Fylkkamánni meannuda ovttaskas mearrádusaid váidalusaid oahpahuslága ja priváhtaskuvlalága mearrádusaid ja daidda gullevaš láhkaásahusaid vuođul. Ovttaskas mearrádusa váidalusa galgá vuos sáddet dan instánsii, mii ášši lea mearridan. Jos dat instánsa ii mieđa váidalussii, dahje ii hilggo ášši, de dan galgá sáddet Fylkkamánnii, mii meannuda ášši loahpalaččat.

Relevánta liŋkkat:

  • Oahpahusláhka
  • Oahpahuslága láhkaásahus
  • Priváhtaskuvlaláhka
  • Priváhtaskuvlalága láhkaásahus
  • Oahpahusdirektoráhtta

Vis mer