Dette innholdet er skrevet før 2019 da antall fylkesmannsembeter gikk fra 16 til 10. Informasjonen kan være utdatert.

Ealáhusovddideapmi

Fylkkamánni galgá láhčit dilálašvuođaid ealáhusovddideapmái ja innovašuvdnii, ovddasbarggus eará guovlluguovdasaš ja báikkálaš aktevrraiguin. Guovlluguovdasaš ja báikkálaš ovdduiguin ja vejolašvuođaiguin galgá geavahit ja ovddidit, nu ahte sihkkarastit ekonomiijavuođu boahtteáigái. Fylkkamánni galgá maid bargat dan ovdii, ahte eanandoalu ja eará surggiid šaddá buorre ovttasdoaibman.

Váldun lea ovttasbargu, mii fátmmasta fylkkaplánaid, ealáhusplánaid, Šilljui-doaimmaid (dá. Inn på tunet), biebmobuvttadeami ovddideami, vuovdedoalloplánaid ja bioenergiijaprográmmaid. Fylkkamánnis lea ovddasvástádus eanandoalu ealáhusstrategiija ráhkadeamis ja čađaheamis.

Fylkkamánni hálddaša giliovdánahttinruđaid (GO-ruđaid), maid juolludit guorahallan- ja heivehandoaimmaide. Ruđaiguin galgá ovddidit gánnehahtti ealáhusovdáneami giliide ja eanandoalu oktavuhtii. Fylkkamánnis lea maid ovddideaddji rolla Innovasjon Norge báikkálaš biepmu prográmmas (ruhtadoarjagat gelbbolašvuođa, beaggima ja fierpmádagaid ovddideapmái).

Innovasjon Norge hálddaša GO-ruđaid oasi, maid juolludit fitnodagaide. Fylkkagielddas lea ovddasvástádus GO-ruđain, maid geavahit bargiid háhkamii, ovttadássásašvuhtii, lassiohppui ja gelbbolašvuođa loktemii eanandoallo- ja biebmosuorggis.

Vis mer