Kommunen sitt arbeid innan helseberedskap og smittevern omfattar både førebygging, beredskap og handtering av ekstraordinære hendingar.
ROS, planar og tiltak
Kommunen skal ha oversikt over risiko og sårbarheit innan helseområdet og planleggje for handtering av smittsame sjukdomar, pandemiar og andre hendingar som kan truge helsa til befolkninga. Gjennom risiko- og sårbarheitsanalysar, beredskapsplanar og øvingar skal kommunen vere førebudd på rask og koordinert iverksetjing av nødvendige tiltak.
Kommunen har ansvar for tydeleg og tilrettelagd informasjon til innbyggjarane og for samhandling med fastlegar og spesialisthelsetenesta. Kommunelegen har ei sentral rolle i smittevern og medisinskfaglege vurderingar.
Samordning i regionen
Statsforvaltaren samverkar tett med kommunane, samordnar arbeidet i regionen og er bindeleddet opp mot nasjonale helsemyndigheiter.
Sjå meir i nasjonal helseberedskapsplan: Å verne om liv og helse - Nasjonal Helseberedskapsplan (regjeringen.no)