Fire hovudområde
Kommunen skal arbeide for at fleire eldre får leve aktive og sjølvstendige liv. Dette vil samstundes bidra til å utsetje behovet for helse- og omsorgstenester gjennom betre planlegging, førebygging og meir målretta tenester.
Kommunen bør ha tiltak innan dei fire hovudområda til reforma:
- Levande lokalsamfunn som fremjer aktivitet, deltaking og møteplassar.
- Bustadtilpassing og planlegging som sikrar fleire eigna bustader og aldersvenlege bumiljø.
- Kompetente og myndiggjorte medarbeidarar i helse- og omsorgstenestene.
- Tryggleik for brukarar og støtte til pårørande, med meir føreseielege tenester og god informasjon.
Tiltaka skal sjåast i samanheng med andre nasjonale satsingar, som folkehelsearbeid, beredskap og samhandling i helse- og omsorgstenesta.
Statsforvaltaren si rolle
Statsforvaltaren har eit sentralt ansvar i gjennomføringa av Bu trygt heime‑reforma. Regionalt har vi fått rolla som koordinator, pådrivar og støttespelar for kommunane.