Førehandsvarsling - Søknad om mudring ved Lamøya i Larvik og dumping ved Beinskjæra i Sandefjord

På vegne av Knut Herman Ihlen søkte Arne Rød & Co AS den 11.02.2021 om løyve etter forureiningsregelverket til å mudre 200 m² sjøbotn med eit masseuttak på 250 m³. Mudringa skal utførast ved Lamøya 56, gbnr. 1030/25 i Larvik kommune.

Føremålet med mudringa er å oppnå tilfredsstillande seglingsdjupne ved brygge. Det er ønskeleg å auke djupna på mudringsstaden frå 0,7 meter til 1,7 meter. Det er søkt om å dumpe massane ved Beinskajæra dumpeområde i Sandefjord kommune. Arbeidet skal utførast med gravemaskin frå lekter. Søker informerer om at det skal nyttast siltgardin under arbeida.

Sjøbotnen ved tiltaksområdet er blitt analysert for miljøgifter og konsentrasjonar er samanlikna med grenseverdiar i Miljødirektoratets rettleiar M-608|2016. Området er undersøkt i en stasjon, beståande av 4 prøvepunkt. Resultata viser konsentrasjonar av miljøgifter tilsvarande tilstandsklasse II (god) i øvre og nedre sedimentlag.

I Miljødirektoratets Naturbase (kart.naturbase.no) kjem det fram det at det er registrert viktig blautbotn i tiltaksområdet.

Eventuelle merknader til søknaden kan du sende innan 26.03.2021 til:

Statsforvaltaren i Vestfold og Telemark, Postboks 2076, 3103 Tønsberg
eller på e-post til sfvtpost@statsforvalteren.no