Hvor?
Kartlegginga vil finne stad i følgjande område:
- Bjårvatnet naturreservat
- Rennå i Jærstrendene landskapsvernområde
Dette gjer me for å få meir kunnskap om vassføring og flaumforhold i området.
Kvifor gjer me dette?
Ved store nedbørsmengder kan vatn-nivået stige med opptil 1,2 meter og overfløyma landbruksjord, busetnadar og jernbanespor.
Derfor er det behov for ei ordentleg kartlegging av alle forhold som påverkar oppsamling av vatn i området rundt Bjårvatnet.
Gjennom kartlegginga vil me få svar på kva slags tiltak som kan redusere flaumfare i området og betre transporten av vatn, samstundes som me tek vare på verneverdiane og det biologiske mangfaldet.
Kva inneber dette?
Sjølve kartlegginga vil bli gjennomført av eit eksternt firma, og det er CBEC Europe som har fått dette oppdraget. Planen er å gjennomføre arbeidet frå september til midten av desember.
Dei vil blant anna sjå på:
- Hydrologiske forhold: vannføring, flaumsoner og avrenning
- Botaniske forhold: vegetasjonstypar og korleis desse veks
- Topografiske forhold: terreng, vassvegar, flaskehalsar
- Eventuelle inngrep, erosjon, sedimentering og andre påverknadar
Kva skjer etter arbeidet er gjennomført?
Etter gjennomført kartlegging vil dei levere ein rapport som beskriver arbeidet dei har gjort. Denne vil innehalde fagleg vurdering av ulike faktorar og kva desse har å seie for flaumsituasjonen, og ikkje minst forslag til moglege tiltak.