Reetablering av laks i Modalsvassdraget
I Modalsvassdraget vert det no jobba for å få attende laksen til vassdraget. Dette skjer gjennom kalking, rognplanting og slep av smolt.
Dette innholdet er mer enn ett år gammelt. Informasjonen kan derfor være utdatert.
Laksevassdraget i Modalen
Ein gong var det ein eigen laksebestand i Modalsvassdraget. Denne gjekk tapt på 1970-talet som følgje av forsuring. I 2014 starta arbeidet med å få tilbake laksen i vassdraget, då 110 000 rogn av Vossolaks vart planta ut. Vossolaksen vert brukt som «donor» for Modalsvassdraget, sidan Modalslaksen aldri rakk å verte lagt inn i genbank. Årets planting vart gjennomført i april, og rognplantinga vil halde fram i åra som kjem. I tillegg til rognplanting, planlegg vi årlege slep av smolt frå Modalen, første gong i 2016. Smolten som skal slepast vert produsert på Voss klekkeri.
Dei første Vossingane i Modalsvassdraget. Ein lakseyngel frå 2014 plantinga.
Foto: Bjørnar Skår, LFI Uni Research Miljø
Kalking
Vasskvaliteten i Modalsvassdraget er i dag ikkje god nok til at ein laksebestand kan etablere seg utan hjelp. Det er framleis for surt for laks i vassdraget. Vassdraget skal kalkast, og arbeidet med å få dette på plass er i gang. Det nye kalkdoseraranlegget i Modalsvassdraget vert liggande på Espeneset. Målsettinga er å ha anlegget klart til smoltslep i 2016.
Kontaktpersoner
-
Gry Walle
Tlf: 55 57 23 32 / 93 61 88 03