Pasient fekk ikkje forsvarleg behandling

Pasienten hadde dårleg helsetilstand og var alvorleg underernært. Første kontakt med sjukehuset var i august 2015. Då tilstanden hans raskt forverra seg i løpet av hausten, fekk han ikkje behandlinga han trengte for å overleve. Underernæringa var ei sterkt medverkande årsak til at han døydde på sjukehuset etter nokre månadar.

Pasienten var rusmisbrukar og høyrde derfor til ei gruppe i samfunnet som ikkje alltid får nødvendige helsetenester. Å gi helsehjelp til denne gruppa kan vere utfordrande, men dei har likevel rett til helsehjelp på linje med andre pasientar.